Urwandiko rwandikiwe ab’i Lawodikiya

jephou, · muri: Gusenga

Ibyahishuwe 3:14-22
jesus-christ3-186x24014.“Wandikire marayika w’Itorero ry’i Lawodikiya uti “Uwiyita Amen, umugabo wo guhamya kandi ukiranuka w’ukuri, inkomoko y’ibyo Imana yaremye aravuga aya magambo ati
15.‘Nzi imirimo yawe, yuko udakonje kandi ntubire. Iyaba wari ukonje cyangwa wari ubize!
16.Nuko rero kuko uri akazuyazi, udakonje ntubire, ngiye kukuruka.
17.Kuko uvuga uti “Ndi umukire, ndatunze kandi ndatunganiwe nta cyo nkennye”, utazi yuko uri umutindi wo kubabarirwa, kandi uri umukene n’impumyi ndetse wambaye ubusa.
18.Dore ndakugira inama: ungureho izahabu yatunganirijwe mu ruganda ubone uko uba umutunzi, kandi ungureho n’imyenda yera kugira ngo wambare isoni z’ubwambure bwawe zitagaragara, kandi ungureho umuti wo gusīga ku maso yawe kugira ngo uhumuke.
19.Abo nkunda bose ndabacyaha, nkabahana ibihano. Nuko rero gira umwete wihane.
20.Dore mpagaze ku rugi ndakomanga. Umuntu niyumva ijwi ryanjye agakingura urugi, nzinjira iwe dusangire.’
21.“Unesha nzamuha kwicarana nanjye ku ntebe yanjye y’ubwami, nk’uko nanjye nanesheje nkicarana na Data ku ntebe ye.
22.“Ufite ugutwi niyumve ibyo Umwuka abwira amatorero.”




Komeza usome : Gusenga