zaburi 124:1-8

Indirimbo ya Dawidi y’Amazamuka. Iyaba Uwiteka atari we wari uri mu ruhande rwacu, Abe ari ko Abisirayeli bavuga none.

Iyaba Uwiteka atari we wari uri mu ruhande rwacu, Ubwo abantu baduhagurukiraga,

Baba baratumize bunguri tukiri bazima, Ubwo umujinya wabo wacanwaga kuri twe.

Amazi aba yaraturengeye rwose, Isūri iba yaratembye ku bugingo bwacu,

Amazi yihindurije aba yaratembye ku bugingo bwacu.

Uwiteka ahimbazwe, Utadutanze kuba nk’umuhīgo w’amenyo yabo.

Ubugingo bwacu bukize nk’uko inyoni iva mu kigoyi cy’abagoyi, Ikigoyi kiracitse, natwe tuvamo turakira.

Gutabarwa kwacu kubonerwa mu izina ry’Uwiteka, Waremye ijuru n’isi.