Indirimbo ya 113 mu CATHOLIC LUGANDA
113. NJAGALA KATONDA
| 1. | 1. Njagala Katonda ow‟amaanyi asinga Katonda Mwana gwe nzirinngana ojja ddi? Ekidd.: Jangu Yezu gwe njagala, eyannganza |
| 2. | 2. Nze buli olukedde nnaajaguza wamma, Mukama wange n‟obuyinza bwo ntya ki? |
| 3. | 3. Ggwe Katonda lw‟ozze nnaajaguza wamma, Onfuula mwana mw‟ojaguliza lw‟ozze. |
| 4. | 4. Mu bunaku bw‟ensi sijja kutya onnyamba, Katonda w‟oli nnaabakinako abazigu. |
| 5. | 5. Mu buli ekibaawo tonsuula onnyamba, Ompadde bingi n‟ondabirira ekitalo. |
| 6. | 6. Mugabi Katonda nnaakwebaza osaana Ompadde bingi n‟oyitiriza wamma. |
| 7. | 7. Mu ggulu ne mu nsi nja kwebaza by‟ompa Oyamba abaavu n‟olabirira abatene. |
| 8. | 8. Nze ddala nkuwe ki n‟omubiri gwo andiisa? Nze omuntu omwavu nnaakuwa kaki lw‟ozze? |
| 9. | 9. Njagala mbeerenga mu Nnyumba yo nga sigivaamu ndi wuwo Nga ndi muzaana ewa Ddunda anzaala. |
| 10. | 10. Njagala mbeerenga mu Nnyumba yo nga sigivaamu ndi wuwo Nga nsinza Taata eyannganza wamma. |
| 11. | 11. Njagala mbeere mu Nnyumba yo nga sigivaamu ndi wuwo Walondawo nze n‟osiima mbe wuwo. |
| 12. | 12. Njagala mbeere mu Nnyumba yo nga sigivaamu ndi wuwo Nga ntenda bw‟oli ow‟ettendo ombedde. |
| 13. | 13. Njagala nnyimbenga, njagala ntendenga, njagala mbeerenga, Njagala mbeerenga, njagala, njagala, njagala mbeere, Mu Nnyumba y‟Omukama emirembe. |
| By: Fr. James Kabuye | |