Indirimbo ya 135 mu CATHOLIC LUGANDA
135. TE DEUM, GGWE KATONDA
| 1. | TUKUGULUMIZA (Fr. James Kabuye) Ekidd.: Ggwe Katonda Tukugulumiza Ggwe Mukama Tukutendereza. |
| 2. | 1. Ggwe Katonda tukugulumiza Ggwe Omukama tukutendereza, Ggwe Patri ataliiko kusooka Ensi yonna ekutendereza. |
| 3. | 2. Ggwe gwe batendereza Bamalayika bonna N‟eggulu n‟amaanyi gonna we gafa genkana Ne Bakerubimu ne Basserafimu Bakoowoola obutassa nga bakuyimbira. |
| 4. | 3. Mutuukirivu Mutuukirivu, Omukama Katonda ow‟obuyinza Bijjudde ensi n‟eggulu Obukulu bw‟ekitiibwa kye ekyo. |
| 5. | 4. Ekibinja ky‟abatume eky‟ekitiibwa N‟abalanzi ab‟ettendo bakutendereza, Eggye ly‟abajulizi eritemagana ennyo Likutendereza. |
| 6. | 5. Mu nkulungo y‟ensi yonna w‟efa ekoma, Eklezia Omutukuvu Ggwe Patri ow‟obukulu obutagereka, Akutendereza. |
| 7. | 6. Wamu n‟Omwana wo omutiibwa, Ggwe wazaala yekka oyo Wamu ne Mwoyo Mutuukirivu Omukubagiza Akutendereza. |
| 8. | 7. Ggwe Yezu Kristu Kabaka ow‟ekitiibwa Oli mwana wa Patri ataliiko kusooka, Bwe wateesa okulokola omuntu wagaana Okwenyinyala enda y‟Omubiikira………… |
| 9. | 8. Ggwe wawangula olumbe, N‟oggulirawo abakukkiriza obwakabaka bw‟eggulu. Ggwe atudde ku gwa ddyo ogwa Katonda mu kitiibwa kya Kitaawo oyo, Ffenna tukkiriza ng‟olijja okutulamula. |
| 10. | 9. Tukwegayiridde nno abaddu bo bajune, Be wanunuza Omusaayi gwo nno ogw‟omuwendo, Bawe okumenyerwa mu Batuukirivu, Mu kitiibwa ekitaliggwaawo. |
| 11. | 10. Ayi Mukama abantu bo balokole, Ezzadde lyo liwe Omukisa, Balunngamye, badduukirire, Okutuusa ensi lw‟eriggwaawo. |
| 12. | 11. Buli kanaku tunaakutenderezanga, Ne tugulumiza erinnya lyo ennaku zonna, Emirembe ne mirembe , Kkiriza ayi Mukama olunaku lwa leero Okutukuuma nga situkoze kibi |
| By: | |