Indirimbo ya 321 mu CATHOLIC LUGANDA
321. MIREMBE AYI MARIA
| 1. | 1. Mirembe ayi Omuzadde, ffe tuli baana bo Ayi tuzze okukutenda n’okukulamusa. Ggwe Nnyina wa Katonda, yennyini yakulonda, Maria, Maria, tukulamusa. |
| 2. | 2. Mirembe ayi Kabaka, ffe tuli baana bo, Ofuge emyoyo gyaffe, obeere nnyini gyo! Nnamasole wa Yezu, Omuzadde ggwe omuteefu: Maria, Maria, tukulamusa. |
| 3. | 3. Mirembe ggwe Omutiibwa, atiibwa mu ggulu, Ojjudde enneema zonna, ggwe oli mutukuvu. Ayi ggwe omulungi ddala, mu ggwe timuli bbala: Maria, Maria, Ggwe mutukuvu. |
| 4. | 4. Mirembe Omuzadde ataayonooneka, Ggwe wekka ggwe wazaala ng’obeera Bikira; Awonno buli ggwanga likugulumizenga: Maria, Maria, Nnyina, Bikira! |
| 5. | 5. Tommanga kutuyamba, Maria omwagalwa, Mu nnaku, mu kibamba, leero ne mu kufa! Ayi tujunenga, Nnyaffe Ggwe oli mukuumi waffe, Maria, Maria, tukukoowoola. |
| By: M.H. | |