Iyo umuntu yiringiye ubwenge bwe gusa, ashobora kuyoba. Ariko iyo twiringiye Imana, idutegurira inzira nziza. Kwiringira Imana bisaba kwigomwa uko twumva ibintu bikwiye kugenda, tukemera ko Imana ari yo izi neza. Dutekereze ku mibereho yacu: ni izihe nzira twamaze kunyuramo tutabanje gusaba Imana kutuyobora? Ni ngombwa gusubiza amaso inyuma no gushyira imbere Imana mu byo dukora byose. Twizeye Imana, tuzabona amahoro n'ubugingo.

Mwami wacu, turagusaba ngo utwigishe kukwizera. Hari igihe twibwira ko dushoboye byose ubwacu, ariko twifuza ko uduhagarara imbere. Tuvane ku nzira zacu no ku bitekerezo byacu bidakwiye, utuyobore mu mucyo wawe. Dufashe kugira umutima w'umunyabwenge wemera kuyoborwa. Turagushimira ko utwumva igihe cyose tugusabye kuyobora intambwe zacu. Wibukishe umutima wacu ko ntacyo dushoboye tutari kumwe nawe. Iyo uyoboye, haba amahoro. Muri byose, turakwiringira, Mwami. Amina.