Hari ubwo ibintu biba bitagenda uko tubyifuza, bikatugora gutekereza ko hari ibyiza bishobora kubivamo. Ariko Imana iradukunda kandi ibihe byose, n'ibitugoye, ibihindura umugisha mu buryo bwayo. Iyo dukunda Imana kandi tukayizera, yemeza ko nta na kimwe kidapfa ubusa. Icyo tugomba gukora ni uguhagarara mu kwizera, no kumenya ko ikintu cyose kiri mu mugambi wayo. Ibyo waba urimo byose, byaba ibihe byiza cyangwa ibibi, Imana irimo irabyandikamo inkuru y'agatangaza.

Mana yacu, turagushimira ko udufasha kubona ko byose bifite impamvu. Turasenze ngo utube hafi mu bihe bikomeye, uduhe imbaraga zo kuguma mu kwizera. Twemera ko ntacyo ukora ari impanuka, ahubwo ugenzura byose mu rukundo rwawe. Dufashe kwihangana igihe dutegereje, kandi utwibutse ko hari umugambi mwiza ufitanye natwe. Udufashe kureba kure, twizera ko uzadukura aho turi udujyane aheza. Ibyo waremye byose biri mu bushake bwawe, n'ubuzima bwacu ni wowe ubuyobora. Tujye tuzirikana buri gihe ko turi mu maboko yawe wowe mugenga w'ubuzima. Mu izina rya Yesu, Amina.