Indirimbo ya 7 mu CATHOLIC LUGANDA
7. KATONDA OW’EKISA
| Ekidd: | |
| : Katonda ow’ekisa, Omutonzi w’ensi Mwenna, Bakristu, mujje tumusinze. | |
| 1. | Mujje tuyimbire Omukama,abange, Tukubire emizira,Olwazi luno olw‟obulokofu bwaffe! Mujje,tusembere mu maaso ge n‟amatendo Tumugulumize n‟ennyimba. |
| 2. | Kubanga Katonda oyo omukulu anti ye Mukama, Ye Kabaka omukulu asukkulumye balubaale bonna, N‟eyo ekkuzimu w‟ensi era omukono gwe gutuukayo, N‟entikko z‟ensozi nazo zize. |
| 3. | Ennyanja yiye kennyini anti ye yagikola, N‟olukalu lw‟ensi eno, emikono gye gye gyalubumba Mujje tusinze, tweyale mu maaso ge wano; Ddunda eyatukola, tumukubire amavi kati. |
| 4. | Anti yennyini ye Katonda Mukama waffe, Ate ffe Ggwanga eddonde, ery‟omu ddundiro erirye Mujje tusinze, tweyale mu maaso ge wano; Anti ffe ndiga ezo z‟akumiriza omukono gwe. |
| 5. | Singa olwaleero muwulira eddoboozi lye, Muleke kugugubya mitima, nga bwe baakola e Meriba Nga bajjajjammwe bwe bankema mu ddungu ly‟e Massa. Olwo bangeza ne balaba ebikuuno bye nnakola. |
| 6. | Emyaka ana, eggwanga eryo lyantama, kwe kugamba Bwe nti: Sso eggwanga lino eddalambavu ery‟omutima, Eriyamanyi nkola yange! Kye nnava olwo nsunguwala ne ndayira Nti: Tibaliyingira abo mu kiwummulo kyange. |
| 7. | Ekitiibwa kibe kya Patri oyo eyatutonda, Kibe kya Mwana eyatulokola n‟ekya Mwoyo Mutuukirivu Nga bwe kyaliwo olubereberye na kaakano Na bulijjo, emirembe n‟emirembe. AMIINA. |
| By: Fr. James Kabuye | |