Amateka ya Bibiliya

Amateka ya Bibiliya ni maremare kuva ku iremwa ry’isi kugeza kuri uyu munsi. Bibiliya ni cyo gitabo gikuze cyane kuruta ibindi, kandi nicyo gitabo cyasomwe cyane kuruta ibindi. Ibirenze kuri ibyo, Bibiliya nicyo gitabo cyahinduwe mu ndimi nyinshi cyane zivugwa ku isi, kikaba ari nacyo gitabo cyagiye kigirwaho impaka cyane n’abantu batandukanye bo mu moko yose no mu ndimi zose. Iki gitabo cyanditswe mu gihe kirekire cyane kirengeje imyaka amagana n’amagana. Gifite abacyanditse benshi cyane kandi nabo babayeho mu bihe bitandukanye cyane no ku mpande z’isi zitandukanye. Muri rusange Bibiliya irihariye. Mu nkuru zikurikira, turabagezaho amwe mu mateka ya Bibiliya uko yagiye avugwa n’abahanga ndetse na bimwe mu bisobanuro bitangwa n’abantu bakoze ubushakashatsi kuri Bibiliya.