Uru rwandiko rwanditswe na Pawulo intumwa ya Yesu Kristo (
1.Pawulo wagizwe intumwa ya Kristo Yesu nk’uko Imana yabishatse, na Timoteyo mwene Data,
). Rwanditswe ahagana mu mwaka wa 60 nyuma y’izuka rya Yesu igihe Pawulo yari mu buroko i Roma (
18.Uku ni ko gutashya kwanjye Pawulo, kwanditswe n’ukwanjye kuboko. Mwibuke ingoyi zanjye. Ubuntu bw’Imana bubane namwe.
).
Uru rwandiko rwandikiwe itorero rishya ry’abakristo babaga i Kolosayi umugi wahoze ukomeye muri Turukiya y’ubu. Itorero ry’i Kolosayi ryashinzwe na Epafura , Epafura uyu yajyaga yumva inyigisho za Pawulo ubwo yigishaga mu mujyi wari hafi y’i Kolosayi witwaga Efeso hanyuma akagenda nawe akabwiriza abandi i Kalosayi ni ko itorero ry’i Kolosayi ryavutse.
Impamvu uru rwandiko rwanditswe abakristo b’i Kolosayi bari barimo guhatwa kugira ibindi bongera ku bya Kristo hanyuma Epafura ajya kureba Pawulo ngo amusobanuze icyo yagombaga gukora nk’umuntu wamubwirije ubutumwa cyangwa uwari amukuriye mubya Kristo nibwo Pawulo yabandikiye.
Icyo gihe kandi abigisha b’ibinyoma bari barimo kubanyagisha ubwenge bw’abantu n’ibihendo by’ubusa bikurikiza imihango y’abantu kandi bidakurikiza Kristo. Abigisha b’ibinyoma bavugaga ko hari ubundi bu kristo bagomba gushakisha.
Pawulo amaze kubimenya abandikira urwandiko rugamije gushimangira uburyo Yesu Kristo aruta byose n’uburyo ahagije. Icyo yari agendereye ni uko abakolosayi barwanya uyu mwuka w’inyigisho z’ikinyoma wahakanaga ubumana bwa Kristo, kandi ababwira byinshi bigaragaza ubumana bwa Kristo (
15.Ni na we shusho y’Imana itaboneka, ni we mfura mu byaremwe byose, 16.kuko muri we ari mo byose byaremewe, ari ibyo mu ijuru cyangwa ibyo mu isi, ibiboneka n’ibitaboneka, intebe z’ubwami n’ubwami bwose, n’ubutware bwose n’ubushobozi bwose. Ni we wabiremye byose kandi rero ni na we byaremewe. 17.Yabanjirije byose kandi byose bibeshwaho na we. 18.Ni we Mutwe w’umubiri, ni we Torero kandi ni we Tangiriro, ni imfura yo kuzuka mu bapfuye kugira ngo abe uwa mbere uhebuje byose, 19.kuko Imana yashimye ko kuzura kwayo kose kuba muri we. 20.Kandi imaze kuzanisha amahoro amaraso yo ku musaraba we imwiyungisha n’ibintu byose, ari ibyo ku isi cyangwa ibyo mu ijuru.
) ndetse bagakomeza kwizera nkuko bari baratangiye anabizeza ko bumvise ubutumwa bwiza bw’ukuri (
7.nk’uko mwigishijwe na Epafura umugaragu mugenzi wacu dukunda, wababereye umukozi ukiranuka wa Kristo wo kubagaburira ibye, 8.kandi watubwiye iby’urukundo rwanyu muheshwa n’Umwuka.
).
Ibindi bice byerekana uko umukristo aba ameze iyo ari muri Kristo Yesu, kandi ko ntakindi gikenewe kongerwaho (
10.Kandi mwuzuriye muri we, ari we Mutwe w’ubutware bwose n’ubushobozi bwose. 11.Muri we ni na mo mwakebewe gukebwa kutari ukw’intoki, ahubwo ni ugukebwa kuva kuri Kristo, ari ko kwiyambura umubiri w’ibyaha bya kamere. 12.Kuko mwahambanywe na we mu mubatizo kandi ni mo mwazuranywe na we, ku bwo kwizera imbaraga z’Imana yamuzuye mu bapfuye. 13.Kandi ubwo mwari mupfuye muzize ibicumuro byanyu no kudakebwa kw’imibiri yanyu, yabahinduranye bazima na we imaze kutubabarira ibicumuro byacu byose, 14.igahanagura urwandiko rw’imihango rwaturegaga, ikarudukuzaho kurubamba ku musaraba. 15.Kandi imaze kunyaga abatware n’abafite ubushobozi, ibahemura ku mugaragaro, ibivuga hejuru ku bw’umusaraba. 16.Nuko rero ntihakagire ubacira urubanza ku bw’ibyo murya cyangwa ibyo munywa, cyangwa ku bw’iminsi mikuru, cyangwa ku bwo kuziririza imboneko z’ukwezi, cyangwa amasabato 17.kuko ibyo ari igicucu cy’ibizaba, naho umubiri wabyo ufitwe na Kristo.
) aberekako icy’ingenzi ari ukuba muri Kristo ndetse ko ubukristo bushingiye kuri Kristo Yesu. Pawulo kandi yanababwiye imbaraga zo gufatanya n’inshingano za buri umwe yaba mu muryango ndetse n’ahandi.
