zaburi 82:1-8

Zaburi ya Asafu. Imana ihagarara mu iteraniro ryayo, Icira abigira “imana” urubanza iti

“Muzageza he guca imanza zibera, Zita ku cyubahiro cy’abanyabyaha?

Muce imanza zikwiriye uworoheje n’impfubyi, Muce imanza zirenganura umunyamubabaro n’umutindi.

Mutabare uworoheje n’umukene, Mubakize amaboko y’abanyabyaha.

“Abo mbwiye nta cyo bazi, nta cyo bamenya, Bagendagenda mu mwijima, Imfatiro zose z’isi ziranyeganyega.

Ni jye wababwiye nti ‘Muri imana, Mwese muri abana b’Isumbabyose.’

Ariko muzapfa nk’abantu, Muzagwa nk’umwe mu bakomeye.”

Mana, haguruka ucire isi urubanza, Kuko uzagira amahanga yose umwandu wawe.